My good lunch - Harbourside Cafe

上星期五因我公司的GM開始放大假，所以我個男老闆就話請我去我地公司屬下其中一間西餐廳食lunch，他之前已在這餐廳食過，說這處的lunch好食外，仲都幾抵食，個lunch set係包餐湯 + 一個main course + 自助沙律和甜品吧。咁當然最終我地都有去到啦！我就order左個一份羊扒，而我老闆就order一份牛扒，另沙律和甜品吧，都幾豐富啊！有三文魚、吞拿魚，最利害仲有生蠔食tim，好新鮮啊！起碼我食左之後都無肚痛啊！至於我order的主菜-羊扒，嘩！比我想像中好味...因為餐廳在羊扒面灑上麵包糠再煎香先上枱，一碟三件實在太少啦！到最後我要食埋個拿破崙蛋糕先肯停手。嘩！真係好飽好滿足。食完後當我想多謝我老闆之時，他就說不用多謝，其實呢餐飯是為報答 + 多謝我在這段時間對他的支持而請我的，他還說剛剛已向公司請辭了....這個突然的消息令到我有一點驚訝！在當時完全向他講唔到一些祝福和客套的說話，只感覺到有一點的不捨，同時亦開始擔心我係呢間公司的前景/前途。Anyway,我都明白他走的原因，想深一點亦覺得離開呢間公司對他來說無疑是唯一的出路，可以在外繼續發展他的培訓事業。願神保守、祝福他。唉！而我呢個孤仔兒，恐怕又要開始我的見工啦！