又到一年一度的新年啦!李宅一家人在過往度新歲時都有一節目是不可缺少的....就係會於每年年初二選一套賀歲電影同媽媽和家姐去度過一個開心的新年，一如往年一樣我和家姐都會選取一些容易明 + 搞笑之電影，因驚媽咪會睇唔明，係戲院度瞓覺.....以我印象記得之前幾年分別有，”喜馬拉之星”，”鬼馬狂想曲”等等.....雖然係有一點爛片的感覺，但都可以的，因為只係想新年之時睇一套開開心心的電影來過節而已。今年我地一行四人，因今年多了李爸爸，聽他說已２０年沒有入戲院看過電影啦！印象中最後睇的一套電影係叫做"特務xx"，所以我特別希望這套”長江七號”可以讓他尋回入戲院看電影的樂趣，給他們看得開心開心．這套CJ7果然不負眾望，因我在戲院聽到不少我媽咪的笑聲，這套戲除了有不少的笑料外，還有約干的感人位，我都睇到我眼濕濕tim....哪一場就係講做星爺的仔仔陳嬌知道爸爸（星爺）死左後就趕住返屋企瞓覺，希望好快瞓醒覺就無事，所以陳嬌就一路喊一路－瞓著左啦！當看到這場戲時，我自己都有幾大的同感啊！因為我兒時經常性都有呢種想法，唔知大家是否曾有此想法呢？最後，謝謝星爺給我一家人過左一個好開心的年初二．
自從我公公離世後，我媽咪一直都顯得有一點悶悶不樂，說到底人已離開了....一切所有的恩怨都化解了，誰對誰錯已經不重要了....現在只想公公之身後事能盡快辦妥和想媽咪能開心返，之前聽媽咪講話想返一缸金魚玩吓...我聽完後一直都當耳邊風，完全無放係心上，但當這件不快事發生後就想買一缸金
魚讓媽咪開心一下，還可以分散她注意力．終於係新年前一星期就一行三人同媽咪和家姐去”金魚街”買了一個魚缸和約干的養魚的設備（如：濾水器，小光管等等....) + ２０小魚仔回家，大約共花了＄４００多元右左（當然是家姐pay啦！因我當日除運送外，仲要幫忙做埋setup之工驟．而當晚大約花了半個鐘左右就set好了．不知不覺這班屋企新成員已在李宅居住了一個多星期了，當中已有5-6位成員相繼離開後，而我地又會加返一些新成員落去....現在好多時家姐或媽咪打返屋企時，會問下一個指數之情況，而此指數不是恆生指數....而是屋企魚仔的死亡指數....哈哈!希望這班新成員能繼續帶給我們歡樂啦！現post我家之可愛魚仔比大家看看啦！（特別鳴謝大家姐專門的攝影技巧）
劉德華是係我眼中認為最勤力的歌星，是一個好值得比錢去睇演唱會的歌手，他當晚表演亦沒有令我失望的，華仔除了賣唱、賣舞外，更要「賣命」！單是開場，他被雷劈的一幕已叫還未坐穩的我看得目瞪口呆。除了咁特別的opening外，他又以不同的造型，演、唱、跳，瓣瓣齊，跳了幾隻快舞，氣也不喘，卻毫不錫身錫聲，演牛郎織女，叫得力竭聲嘶，他的秘方養聲茶要發揮最大功效了，當織女與他分離，從半空直墮入深洞一刻，全場不禁驚呼，劉華傷心得流下真眼淚，全情投入。 
啊!都有成大半個月無寫OD啦！原因除了新工作忙外.....還忙為朋友籌備婚事，雖然我一直都知事前的籌備婚事是一件很煩很忙的，但當我朋友婚期日子越來越接近的時間，真是忙都分唔到時間，忙找化妝師，忙找襟花和選取場地的backdrop...，搞到好似自己係新娘一樣，真係好搞笑．至於籌備了多時和期待已久的11月到了，而我兩位好朋友的婚宴終於到啦！兩次我除了要做所謂的Wedding Planner外，還當然要負責姊妹一職啦！真是辛苦都嘔啊!但當晚見到我的好朋友找到一個自己鍾意的人一齊行埋人生的下半場的時候，就真係好感動啦！而我往往係朋友的婚宴上都搞到自己眼濕濕，當然這兩次也不例外啦！好多謝你地啊！係你地的婚宴上給我一個好好的回憶，睇返你兩個的opening 短片時，先發覺原來大家細個的時候都好土的，邊有而家咁索和咁俊啊！係呢度好衷心希望我這兩對朋友（麥生和麥太，鄧生和鄧太），可以一直甜甜蜜蜜，快快樂樂生活啦！最近.....有感而發，”工作”一直都在我生命中佔有一個好重要的位置，如要在自己工作上努力，希望可以上到一些高層的位置等等....至於愛情方面一直都無強求過，我會係順其自然的哪一類，就算之前錯過幾段可以發展的感情都覺得無所謂...但最近我的心態不同了，會想找一個人依靠一下．或許與最近在工作的不如意有關，發現做人其實真係可以好簡單的，並唔需要係一個滿有辦公室政治，爭權逐利的商業社會內工作得太辛苦的，我現在只想好簡單咁與自己鍾意的人一齊出吓街，睇吓戲，去吓旅行.......咁過日子就最開心和最簡單啦！＠＠