Funky Jazz.......

一直以來聽朋友講話要學什麼Funky dance, Jazz dance....之類的跳舞課程，又話好玩得o黎又可以減肥啊！終於係前一個星期六下午我朋友比左一堂free class我上，大約上1.5鐘頭左右，首先開始之先見到一個幾靚仔的導師，之後個導師見我地呢堂比較多新人，所以教返我地啲基本步，但係對於我o黎講都好鬼金啊~另仲唸住跳舞可以relax吓發吓夢tim，但原來係唔得的，因個腦要記住啲舞步，唔可以發夢，個腦一空白就唔記得啲舞步啦....所以我都甩得好多步啊！唉！仲被個男導師安排我企係佢隔離跳...超尷尬。不過，整體來說，我都覺得幾好玩啊！成功跳到成part舞都覺得好開心啊！最搞笑落堂之時，個靚仔導師仲同我和啲朋友講叫我地比心機啊！話我地初學已經算好啦！佢咁講我即刻笑左出黎...我跳成咁都叫做幾好...哈哈！

P.S Jazz Funk其實係Jazz加HitHop融合成的變奏，在傳統的爵士舞中加入了一點點街頭舞的元 素，變得隨意及灑脫節奏感會比Jazz重和快一點。