Pauline: The movies - The Simpsons Movie & Transformers

最近與朋友看了兩套電影,分別係"阿森一族大電影"和"變形金剛",好耐未試過一次過睇咁多卡通片啦!因我自己並不是太喜歡看卡通片的,或許覺得自己已過了看卡通片的年齡,雖然我年紀不是很大,而我是比較看愛情片的,但這兩電影都令我有一點愛上了卡通片,以下是我對這兩電影看後之評語,大家可以參考一下的:
*評分級別 - 好戲一埸(***),一看無妨(**),悶戲一場(*)

1)Transformers(變形金剛）

這套電影是去apm戲院看的，初時對這套男仔電影沒太大意欲去看，因有太多類似的機械人在我童年出現過...所以差一點搞唔清楚係黃金戰士，六神合體，變形戰士or金剛，最終都在一忠實變形金剛fans推介下去看了這套電影，故事又係一貫正邪對戰，不過今次唔係人係機械人對戰，當然最後都係正義勝利啦！雖然在144分鐘內我足足訓了十次左右(每次大約訓2-3分鐘），但不得不贊賞荷理活的特技，看時真係覺得有幾個機械人係個城市裹一樣，幾震撼啊！而我看後的評分級別 - 一看無妨(**)

2)The Simpsons Movie(阿森一族大電影)

這套電影是在打八號風球當晚去戲院，又係去apm戲院看的，當晚因打風關係所以apm比平時寧靜非常..應該剩係得兩處地方先有人 - 1)卡拉OK 2)戲院...好啦！言歸正傳，呢套阿森卡通片聽朋友講原來好耐之前係明珠台係有播過的，好多朋友會因為之前看過覺得好笑or或想找回一點童年回憶先去看此片，而我就無被呢這兩個因素影響啦！只是之前看過一些雜誌介紹過，話好好笑的和找來多位明星做配音，如：黃偉文，何韻詩等等，還說及原來電影公司用了四年時間去籌備呢套電影的..嘩！咁巴閉啊！所以就去睇一睇而已...這套卡通片果然不負眾望，係87分鐘內足足笑足全程，係我印象中有幾個笑位，我覺得幾好笑的1)由電影一開埸，阿森一家在戲院看戲，爸爸荷馬突站起來大罵：你們真是個蠢蛋，竟付錢去看一套電視都有得看的電影！尤其是你！2)爸爸荷馬同仔仔玩鬥大膽遊戲，如：叫仔仔脫光衣服出街去買hamburger，之後個仔比警察捉荷馬又唔認數．3)爸爸荷馬為了趕去取免費冬甩，所以將成好多朱糞掉落湖內，令湖水變為毒藥．4)戲中還大量抄襲其他電影橋段，如《韓流怪嚇》、《鐵達尼號》等．但最最諷刺的是荷馬與瑪吉於屋內的一幕浪漫時刻，窗外突然飛來幾隻迪士尼小鳥，然後再走來兩隻小鹿、松鼠...等等，完全好有白雪公主feel，真係好好笑啊！雖然近年來3D盛行，2D動畫已漸漸被忽視，但阿森一族仍然毫無懼怕，更要爬上大銀幕。可見有特色的2D動畫如能保持其新鮮感仍是大有市場的．啊！差一點兒忘記比分...相信大家見我咁大篇幅寫這套電影的話..可想而知我的評分級別係...好戲一埸(***)