lovely Dad & Mom

謝謝非常專業的家姐能捕捉到我兩位可愛的Dad & Mom，至於兩人擺位方面我都加左不少的意見啊！以下精選了幾張比較sweet的......比大家睇吓，羨慕啦!

introspection

昨晚終於完成左我公公之喪禮，嘩！辛苦都嘔啊！第一晚就搞到晚上11點先走人，而第二朝早又6點就要起身到靈堂準備上山事宜，最後飲埋”英雄酒”先完晒成個儀式．在喪禮開始初時，大家心情都不是太傷感的，還有講有笑的....但大約晚上七點左右我婆婆就來到靈堂，初時見到婆婆被工人推入靈堂時已見她開始喊啦～婆婆可能想起失去同行多年老伴而有所感觸，一瞬間大家都被婆婆感染而開始眼濕濕....當然我亦都唔例外啦！後來，聽我媽媽講原來我婆婆是有老人痴呆的，所以她好多時都唔記得我公公已經死左啦！時常都叫我媽媽陪她去廣華醫院探我公公（因生前我公公都會經常入呢間醫院做檢查的）唔知這個病對我婆婆來說又是否有好處呢？另唔知點解我每年都會有機會出席別人的喪禮的，好多時朋友或長輩都會叫我避得過就唔好去，又話呢啲大酒店會好污穢之類.....但我好多時都無聽佢地講，會照樣出席的，因自己個人認為出席別人的喪禮係比不幸失去至親朋友的家人是一種支持及安慰，意思亦都等於我一樣會出席抽時間出席朋友的婚禮，當然出席婚禮係比一種祝福予一對的新人啦！或許香港人太忙啦！莫說要他們抽空出席啦！往往連一個電話或sms祝福和問候都沒有.......Anyway,謝謝各方朋友send sms, email的慰問和親身出席我公公喪禮的朋友．

CJ7.......Stephen chow

又到一年一度的新年啦!李宅一家人在過往度新歲時都有一節目是不可缺少的....就係會於每年年初二選一套賀歲電影同媽媽和家姐去度過一個開心的新年，一如往年一樣我和家姐都會選取一些容易明 + 搞笑之電影，因驚媽咪會睇唔明，係戲院度瞓覺.....以我印象記得之前幾年分別有，”喜馬拉之星”，”鬼馬狂想曲”等等.....雖然係有一點爛片的感覺，但都可以的，因為只係想新年之時睇一套開開心心的電影來過節而已。今年我地一行四人，因今年多了李爸爸，聽他說已２０年沒有入戲院看過電影啦！印象中最後睇的一套電影係叫做"特務xx"，所以我特別希望這套”長江七號”可以讓他尋回入戲院看電影的樂趣，給他們看得開心開心．這套CJ7果然不負眾望，因我在戲院聽到不少我媽咪的笑聲，這套戲除了有不少的笑料外，還有約干的感人位，我都睇到我眼濕濕tim....哪一場就係講做星爺的仔仔陳嬌知道爸爸（星爺）死左後就趕住返屋企瞓覺，希望好快瞓醒覺就無事，所以陳嬌就一路喊一路－瞓著左啦！當看到這場戲時，我自己都有幾大的同感啊！因為我兒時經常性都有呢種想法，唔知大家是否曾有此想法呢？最後，謝謝星爺給我一家人過左一個好開心的年初二．

New family members

自從我公公離世後，我媽咪一直都顯得有一點悶悶不樂，說到底人已離開了....一切所有的恩怨都化解了，誰對誰錯已經不重要了....現在只想公公之身後事能盡快辦妥和想媽咪能開心返，之前聽媽咪講話想返一缸金魚玩吓...我聽完後一直都當耳邊風，完全無放係心上，但當這件不快事發生後就想買一缸金魚讓媽咪開心一下，還可以分散她注意力．終於係新年前一星期就一行三人同媽咪和家姐去”金魚街”買了一個魚缸和約干的養魚的設備（如：濾水器，小光管等等....) + ２０小魚仔回家，大約共花了＄４００多元右左（當然是家姐pay啦！因我當日除運送外，仲要幫忙做埋setup之工驟．而當晚大約花了半個鐘左右就set好了．不知不覺這班屋企新成員已在李宅居住了一個多星期了，當中已有5-6位成員相繼離開後，而我地又會加返一些新成員落去....現在好多時家姐或媽咪打返屋企時，會問下一個指數之情況，而此指數不是恆生指數....而是屋企魚仔的死亡指數....哈哈!希望這班新成員能繼續帶給我們歡樂啦！現post我家之可愛魚仔比大家看看啦！（特別鳴謝大家姐專門的攝影技巧）